PatrolPH

Presyo ng petrolyo, muling taas sa Hunyo 28, diesel may dagdag na P1.65

ABS-CBN News

Posted at Jun 27 2022 12:53 PM | Updated as of Jun 27 2022 08:05 PM

Watch more News on iWantTFC

MAYNILA - Magkakaroon muli ng taas-presyo sa mga produktong petrolyo simula Martes, Hunyo 28, inanunsiyo ng mga kompanya ng langis nitong Lunes. 

Ito na ang ika-5 sunod na linggong magkakaroon ng pagtataas ng presyo sa petrolyo. 

Ang Shell at Seaoil, may P0.50 taas-singil sa gasoline, P0.10 price hike sa kerosene, at P1.65 taas-singil sa kada litro ng diesel. 

Ang Caltex, may P0.50 kada litrong taas-presyo sa Platinum and Silver gasoline, bukod sa P1.65 taas-presyo sa diesel at P0.10 taas-singil sa kada litro ng kerosene. 

Ang Jetti, may P0.50 kada litrong dagdag-singil sa kanilang AcceleRate gasoline at JX Premium, at P1.65 kada litrong taas-singil sa Diesel Master. 

May P0.50 kada litrong taas-singil naman ang gasoline at P1.65 naman kada litrong taas-singil sa diesel ang CleanFuel, PTT, at Phoenix. 

Unang nabanggit nitong weekend na hindi masabi ang magiging galaw ng presyo ng gasoline nitong linggo. 

Sa pagtatantiya kasi na inilabas noong Sabado, sinabing puwedeng tumaas o bumaba ang presyo ng gasolina. 

-- Ulat ni Alvin Elchico, ABS-CBN News

Bisitahin ang Patrol.PH para sa iba pang mga balita.