Watch more in iWantv or TFC.tv

(UPDATE) Bababa ang singil sa kuryente ng Meralco ngayong Hunyo, sabi ngayong Lunes ng pinakamalaking power distributor sa bansa.

Nasa P0.02 kada kilowatt hour (kWh) ang bawas sa singil ng kuryente para sa June bill, ayon sa Meralco.

Katumbas umano ito ng P4 na bawas sa mga kabahayang may 200 kWh na konsumo, P6 sa mga kumokonsumo ng 300 kWh, P8 sa mga kumokonsumo ng 400 kWh, at P12 sa mga kumokonsumo ng 500 kWh.

Bukod sa pagmura ng supply ng kuryente, may ibinalik at tinanggal na charges ang Meralco sa mga konsumer.

"Binalik na 'yong P4.95 na feed-in-tariff allowance this June pero pinahinto naman ng ERC (Energy Regulatory Commission) ang pagkolekta ng environmental charge ," ani Meralco head of utility economics Larry Fernandez. -- Ulat ni Alvin Elchcio, ABS-CBN News