Watch more in iWantv or TFC.tv

MAYNILA - Magpapatuloy sa Martes ang kinatatakutang "super bigtime" oil price hike, na pinakamalaki sa mga nakalipas na taon.

• As gas prices soar, Grab offers P25-M worth of assistance to drivers, riders
• 'Sana oil': Netizens envy Hidilyn Diaz for lifetime free fuel amid oil price hikes

Batay sa average ng buong linggo, bagama't bumababa na ang presyo ng langis sa world market sa huling dalawang araw ng linggo, maglalaro pa rin sa P11.80 hanggang P12 ang taas-presyo ng diesel sa susunod na linggo.

Naglalaro naman sa halos P7 ang taas-presyo sa gasolina.

• As fuel prices rise to record highs, governments look for solutions

Ang kerosene, P9.70 hanggang P9.8 ang magiging dagdag-presyo.

Dulot pa rin ito ng gulo sa pagitan ng Russia at Ukraine na nagpapataas sa presyo ng krudo sa merkado.

Ayon sa mga taga-industriya, patuloy na bumaba ang presyo ng langis sa world market na kung tuloy-tuloy ay puwedeng magka-rollback sa mag susunod na linggo.

Una nang nakiusap ang Department of Energy na utay-utayin ang taas-presyo pero wala pang sagot ang mga oil company tungkol dito.

-- Ulat ni Alvin Elchico, ABS-CBN News