Inilabas na ang kabaong ni Kian Delos Santos mula sa kanilang bahay para dalhin sa St. Francis of Assisi and Sta. Quiteria Parish sa Caloocan City.

Sakay ng isang multicab na ginawang karo ang mga labi ng binatilyong pinatay ng mga pulis sa isang operasyong kontra-droga sa Caloocan City noong Agosto 16, 2017.

Isang misa ang gaganapin sa simbahan para kay Kian bago siya tuluyang ihatid sa kanyang huling hantungan sa La Loma Cemetery.

Isang tarpaulin ang nakasabit sa gilid ng karo na nakasulat na "Run, Kian, Run". Ang harap naman ng karo ay may malaki niyang litrato.

Sinabayan naman sa paglalakad ang mga magulang at kamag-anakan ni Kian ng kanyang mga kapitbahay, mga kaibigan, mga kaklase at mga taga-suporta.

Nakatakdang idaan muna ang kanyang mga labi sa tapat ng Police Community Precinct-7 ng Caloocan City, kung saan nakatalaga ang tatlong pulis na umanong nasa likod ng pagpatay sa binatilyo. DZMM, 26 August 2017