Ipinasilip ng Department of Transportation and Communications (DOTC) ang masterplan para sa Bus Rapid Transit (BRT) na target bawasan ang matinding sikip sa daloy ng trapiko sa Metro Manila at Cebu.

Plano ng ahensya na magtalaga ng isang lane para sa BRT mula Memorial Circle hanggang Manila City Hall.

Magiging dire-diretso ang biyahe ng BRT sa naturang lane.

Layon ng programa na mabawasan ang mga kotse at iba pang pampublikong sasakyan sa kalsada at maikonekta ang mga bus sa railway.

Pero tutol dito ang ilang jeepney operator.

Anila, nasa 5,000 jeep kasi ang nanganganib na mawalan ng kita at ruta dahil sa BRT.

Inaasahang maisasapinal ang BRT sa 2019.

- Umagang Kay Ganda, 8 Marso 2016