Napatunayan muli ng Korean pop star na si Sandara Park ang kaniyang pagiging maimpluwensiya sa fashion matapos pag-usapan sa social media ang "plastic bag" niyang sinasabing nagkakahalagang P30,000.

Sa Instagram ibinahagi noong Lunes ni Park ang retrato niya sa isang mall sa Singapore, bitbit ang isang see-through na plastic bag.

퇴근 ✌🏻

A post shared by Sandara Park (@daraxxi) on May 6, 2018 at 7:25am PDT

Mabilis na kinilala ang bag ni Park bilang isa sa mga likha ng luxury brand na Céline.

Nagkakahalagang $590 o nasa P30,000 ang naturang bag, ayon sa ulat ng American magazine na Teen Vogue.

Backstage Summer 18 Collection #CelineSummer18 #celine

A post shared by Céline Official (@celine) on Oct 5, 2017 at 12:28am PDT

May ilang netizen na kumuha ng kani-kanilang mga retratong mistulang ginagaya ang retrato ng dating miyembro ng K-pop group na 2NE1.

Pero sa halip na "mamahaling" bag ang bitbit ay ordinaryong supot ang ibinida ng mga ito.

Got my new bag from lazada thanks to @krungy21 pic.twitter.com/gd2n8mvL0y

— rech (@chelledeasis) May 8, 2018

@krungy21 plastic bag vs. my friend @edengmari plastic bag HAHAHAHHA THE DIFFERENCE pic.twitter.com/il14y202lV

— byunbaek's (@baekenemen) May 7, 2018

May netizen ding napahugot sa mamahaling bag.

sis: ano ba naman tong plastic bag ni sandara ang mahal 30,000 pesos?? anong meron sa plastic na yon di ba yon nasusunog??
me: mas plastic pa yon sa mga plastic friends mo
sis:
plastic:
me:

— xai (@hoeforrevel) May 9, 2018

Ibinahagi rin ang retrato ni Park sa Facebook group na "Soshal Climbers Unite!" na pinatatakbo ng blog site na The Soshal Network.

Nagbiro pa sa comments ang isa sa mga nagpapatakbo ng The Soshal Network na si Vivian Tan.

"Ang mahal! Tapos mamromroblema ka pa kasi baka makita suklay mo na ganito," sabi ni Tan sa comment na may kasamang retrato ng tila mumurahing suklay.

Pinag-usapan din sa social media noong nakaraang taon ang retrato ni Park na may dalang bag na binili umano niya sa Divisoria, Maynila.

My new Bayongciaga bag from Divisoria 😂😂😂👍🏻👍🏻👍🏻 pic.twitter.com/KLbCoZtrrN

— Sandara Park (@krungy21) October 10, 2017

Tinawag itong "Bayongciaga" dahil sa pagkakahawig sa bag na inilabas ng luxury brand na Balenciaga noong 2016 na nagkakahalaga namang $2,000 o nasa P100,000.

• LOOK: Sandara Park sets trend with bag from Divisoria

Nagsimula ang showbiz careeer ni Park sa Pilipinas noong 2004 bilang contestant sa ABS-CBN talent search na "Star Circle Quest."