Pormal nang inaprubahan ng Maharlika Pilipinas Basketball League ang pagpasok sa liga ng San Juan Knights bilang ika-13 miyembro nito.

Ayon sa mga opisyal na pinangungunahan ni commissioner Kenneth Duremdes, magpipirmahan ng kontrata ang koponan na pag mamay-ari ni dating senador Jinggoy Estrada at ang liga sa Muntinlupa Sports Complex ngayong Sabado habang ginaganap ang semifinals series sa Anta Rajah Cup.

• Laguna, Pasig pormal nang kabilang sa MPBL

Matatandaang itinanghal na kampeon ng Metropolitan Basketball Association noong 2000 ang Knights, na sasali ngayon bilang expansion teams kasama ang Pasig at Laguna sa MPBL.

Samantala, ipinahayag ni MPBL founder Manny Pacquiao na may cash prize bukod sa isang tropeo ang nakaabang sa magiging kampeon ng kasulukuyang torneo.

• MPBL: Batangas sweeps Valenzuela to book finals trip
• MPBL: Muntinlupa evens semis to force rubber match vs Parañaque

“Maigsi lang ang liga natin ngayon, pilot conference pa lang. Ang trophy natin is 24 inches. 'Yung may bola sa taas parang katulad ng design sa NBA. 'Yung guhit ng bola 'yun ang gold. Kasi matagal gawin 'yung solid gold,” ani Pacquiao.

“This time, 'yung white gold muna, parang silver siya, tapos may gold siya sa bola. 'Yun ang trophy natin. May cash prize.”

Ayon kay Duremdes, may iuuwing P1 milyon ang kampeon habang P500,000 ang nakalaan sa runner-up.

Lamang ng 1-0 ngayon ang Batangas City Athletics-Tanduay at Parañaque Patriots-Gamboa Coffee sa kanilang best-of-3 semifinals series.

For more sports coverage, visit the ABS-CBN Sports website.