Watch more in iWantv or TFC.tv

Mahaba-haba ang pila sa sangay ng Bangko Sentral ng Pilipinas (BSP) sa East Avenue, Quezon City para magpapalit ng lumang pera.

Hindi na kasi tinatanggap ang mga lumang serye ng salapi o old bank notes sa mga tindahan, mall, at iba pang establisimyento.

Matagal nang nag-abiso ang BSP na palitan ang lumang serye, pero mayroon pa ring humahabol ngayong ilan araw na lang ang deadline.

New deadline of 29 December 2017 for the replacement/exchange of NDS notes at par with the NGC notes; w/o charge https://t.co/S3HK1T1h9V pic.twitter.com/1MDib9SdUq

— Bangko Sentral (@BangkoSentral) October 27, 2017

Hanggang Disyembre 29, 2017 na lang ang palugit bago tuluyang mawalan ng halaga ang old bank notes.

Tatlong beses nang pinalawig ngayong taon ang deadline para ipapalit ang lumang bills.

Tinatanggap ang lumang bills sa BSP cash department sa Maynila, Quezon City at sa regional offices at branches.

Sakto din ang deadline sa paglabas ng bagong serye ng salapi ng BSP ngayong buwan.

Nauna na ring naglabas ng mga bagong barya kung saan bida sina Gat Andres Bonifacio at Heneral Antonio Luna.

Isinasagawa ang pagpapalit ng disenyo ng pera bilang seguridad laban sa pamemeke nito.

-- Ulat ni Warren De Guzman, ABS-CBN News