Narekober ng mga awtoridad ang katawan ng isang babaeng tumalon umano mula sa isang barko.

Natagpuang palutang-lutang sa karagatan ng Sibato Island sa Caluya, Antique ang naagnas nang katawan ni Ritchel Pagdato.

Una itong nakita ni Roberto Lazaro Ysug habang nakasakay siya sa kanyang bangka.

Inireport ni Barangay Captain Gregorio Arellano sa mga awtoridad ang nakitang bangkay, na agad namang kinuha ng mga miyembro ng PCG, Municipal Disaster Risk Reduction and Management Office at Philippine National Police.

Kasalukuyang nasa Sibato Island ang bangkay habang sumasailalim sa eksaminasyon.

Ayon kay Lt. Cdr. Ramil Palabrica ng Coast Guard, si Pagdato ang babaeng tumalon mula sa MV Starlite Ferries sa may bahagi ng Carabao Island sa Romblon noong Lunes.