LEYTE – Kahapon ay kinasuhan sa opisina ng Ombudsman sa Tacloban si Senador Leila de Lima, na dating pinuno ng Department of Justice.

Kasama din sa kinasuhan si Nelson Pepito Jr., barangay councilor ng Barangay Benolho sa Albuera, at inakusahang umanong protektor ng mga nagbebenta ng iligal na droga.

Kinasuhan din ng Philippine National Police (PNP) sa Albuera ang ilang mga opisyal at sibiliyan na di umano’y protektor ng mga sangkot sa pagbebenta ng bawal na gamot.

Kinasuhan din sa DOJ ang ilang sibilyan at kasapi ng media na protektor din umano ng mga nagbebenta ng iligal na droga.

Kasama sa mga kinasuhan sina Rolan “Kerwin” Espinosa, Victor Espina, Joseph Nunez, Jonnah John Ungab, Leo Dumon, Lalaine Jemenia, John Pilapil, at Winnie Codilla.

Sina De Lima ay kasali sa listahang inilabas ni Pangulong Rodrigo Duterte, ng mga umanong pinuno ng drug operation sa bansa.

Ito ay itinanggi ng senador.