(UPDATED) Dalawang pasahero ang sugatan sa biglaang pag-preno ng bagon ng MRT-3 Miyerkoles ng umaga sa Mandaluyong City.

Ayon kay Transportation Undersecretary Cesar Chavez, kabilang sa mga nasugatan ay isang 30-taong gulang na babae na nagtamo ng gasgas sa kanang braso at isang 68-taong gulang na napilayan.

Alas-7:13 ng umaga ng Miyerkoles nang magka-problema sa Automatic Train Protection (ATP) onboard signalling system ang bagon ng MRT sa northbound ng Shaw Boulevard station, dahilan para biglaang mag-preno ang bagon.

Wala namang ibang pang nai-report na nasaktan sa insidente.

Ito na ang ika-limang beses na nagkaproblema ang MRT-3 ngayon araw.

Nagbaba din ng mga pasahero ang MRT-3 sa Santolan station southbound alas-7:12 ng umaga dahil sa technical problem.

Technical problem din ang problema sa aberya ng MRT-3 sa northbound ng Magallanes station alas-8:15 at sa southbound ng Boni Station alas-8:22 ng umaga at northbound naman ng Boni station alas-9:11 ng umaga.