MANILA - Aabot sa 300 pamilya ang nawalan ng tirahan nang masunog ang isang residential area sa Alabang, Muntinlupa Sabado ng hapon.

Sinasabing sumiklab ang apoy na sadyain ng isang Michael Cabalquinto na silabang ang kanyang bahay sa Purok 13, Sitio Pag-asa.

"Pagkakaalam ko may problema sa asawa [si Cabalquinto]. Tapos addict pa," sabi ng residenteng si Felix dela Cruz.

Umabot sa Task Force Charlie ang sunog na nag-iwan ng nasa P1.5 milyon na danyos.

Hindi na mahagilap si Cabalquinto, pero maaari pa rin siyang sampahan ng kaso ng mga kapitbahay.

Humihiling naman ng ayuda ang nasa 1,000 indibidwal na naapektuhan ng sunog.