MASANTOL, Pampanga - Lubog sa baha ang ilang mga silid-aralan at mga kabahayan sa Barangay Sagrada Familya Sabado dahil sa walang-tigil na pag-ulan noong mga nakaraang araw.

Sa tala ng mga disaster officials ng Pampanga, nasa 25 barangay mula sa bayan ng Apalit, Macabebe at Masantol ang lubog pa rin sa baha bagamat bumalik na sa normal ang lebel ng tubig sa mga kalapit na ilog.

Inaasahang kakanselahin ang mga klase sa mga paaralang apektado ng pagbaha hanggang sa humupa na ang tubig.

Ayon sa mga opisyal, inaasahan na huhupa ang baha sa loob ng isang linggo.

Nakaranas ang Pampanga at iba pang bahagi ng Luzon ng mga pag-ulan ng mga nakaraang araw bunsod ng habagat na pinaigting pa ng Bagyong Gorio.