Watch more in iWantv or TFC.tv

Hindi agarang ibinasura ng Korte Suprema ang petisyon ng Office of the Solicitor General (OSG) na mapawalang bisa ang pagkakatalaga o appointment ni Chief Justice on-leave Maria Lourdes Sereno.

• SolGen seeks nullification of Sereno's appointment

Bagkus, nagpatawag ng oral arguments sa susunod na linggo ang Korte Suprema, taliwas sa nais ng kampo ni Sereno na "outright dismissal" sa petition for quo warranto dahil tanging impeachment lang umano ang makapagpapatalsik sa kaniya sa puwesto.

• Sereno urges SC to junk quo warranto petition seeking her ouster

Diringgin sa oral arguments ang panig ni Sereno at ng OSG, na humiling na mapatalsik siya sa puwesto dahil sa hindi paghahain ng Statements of Assets, Liabilities, and Net worth (SALN).

Sa argumento ng OSG, mula sa simula ay hindi karapat-dapat na maupong punong mahistrado si Sereno dahil sa hindi niya pagsusumite ng 10 taong SALN noong 2012.

• What is the Chief Justice's net worth?

Iniutos din ng Korte Suprema na dumalo mismo si Sereno at hindi lang magpadala ng mga abogado para personal na sagutin ang tanong ng mga mahistrado.

Ibinasura naman ng Korte ang hiwalay na hiling ng mga mambabatas mula Makabayan bloc sa Kamara at grupo ni dating Pag-IBIG Fund chief executive officer Mel Alonzo na makisali sa quo warranto case.

• Makabayan bloc wants to intervene in 'quo warranto' plea vs Sereno

"Noted" lang naman ang kaparehong mosyon ng Integrated Bar of the Philippines at hindi rin pinayagan.

Matatandaang kinontra ng OSG ang tatlong motion for intervention sa dahilang walang legal na personalidad at interes sa kaso ang mga ito.

• SolGen urges SC to junk intervenors' plea in Sereno 'quo warranto' case

--Ulat ni Ina Reformina, ABS-CBN News