Pinag-aaralan ngayon ni Solicitor General Jose Calida kung ano ang maaaring ikaso laban kay Senator Antonio Trillanes IV dahil sa umano'y pag protekta niya sa "self-confessed killers."

Nang tanungin sa kanyang presscon nitong Lunes, sinabi ng opisyal na wala pang konkretong hakbang para ireklamo si Trillanes.

Pero aniya: "Give me more time and I will have the proper case to file against him... He is also a person of interest. Why is (he) protecting a self-confessed criminal?"

"Sumusobra na si Trillanes. He's accusing the president of plotting to kill him. Perhaps he should see a shrink."

Ito ang naging pahayag ni Calida matapos ilabas ng opisina ni Trillanes ngayong Lunes ang kopya ng sworn affidavit ni retired police officer Arturo Lascanas tungkol sa umanoy Davao Death Squad.

• READ: DDS killed 'criminals, innocent people' at Duterte's behest - Lascañas affidavit

Dati nang sinabi ni Trillanes na isang pari ang lumapit sa kanya upang ayusin ang pagharap ni Lascañas sa publiko.

• READ: Catholic priest approached me for Lascañas confession--Trillanes

Binanggit din ni Calida ang kustodiya ni Edgar Matobato na hawak noon ni Trillanes.