Watch more in iWantv or TFC.tv

Sinabi ni Communications Assistant Secretary Mocha Uson na bukas ang kaniyang tanggapan para bigyan ng accreditation ang online news site na Rappler bilang bloggers.

Hinikayat ni Uson ang Rappler na magsumite lang ng mga requirement sa kaniyang tanggapan para mabigyang accreditation na makapag-cover sa mga aktibidad ni Pangulong Rodrigo Duterte.

"Kung nanonood si Maria Ressa, ay bukas po ang opisina ng social media ng PCOO [Presidential Communications Operations Office]. Mag-submit lang po sila ng requirements nila, at kung makapasa ay bibigyan natin ng accreditation, social media accreditation," ani Uson.

Noong Enero 15, kinansela ng Securities and Exchange Commission ang certificate of incorporation ng Rappler dahil sa umano'y paglabag sa "foreign equity restriction" na nakasaad sa Saligang Batas.

• Ano ang nilabag ng Rappler kaya ito ipinasasara?

Nauna nang sinabi ni Presidential Spokesperson Harry Roque, Jr. na maaari pa ring magpatuloy ang Rappler na i-cover ang mga aktibidad ng Palasyo pero hindi bilang mga reporter kundi bilang bloggers.

• Roque sa Rappler: 'Puwede pa silang maging bloggers'
• Rappler reporters may continue to cover beats as 'bloggers' - Palace

-- May ulat ni Dexter Ganibe, ABS-CBN News