MANILA - Patay ang dalawang lalaki, kabilang ang isang kilalang drug personality ng Region 7, matapos makipagbarilan sa awtoridad Biyernes ng gabi sa Pilar Village, Las Piñas City.

Nakilala ang isa sa napatay na si Jeffrey Otom Diaz, alyas "Jaguar", na isa umanong drug lord sa Visayas. Hindi pa matukoy and pagkakakilanlan ng isa pang nasawi na nagsilbing driver ni Diaz.

Naganap ang insidente sa kanto ng Jem Road at Narra Street pasado alas-10 ng gabi.

Ayon sa awtoridad, target ng pulisya ang isang Alvaro Alvaro na isa pang drug personality sa Visayas. Napagalaman ng operatiba na madalas na nagpupunta si Alvaro sa bahay ni Diaz.

Sinundan ng operatiba ang Toyota Fortuner ni Diaz hanggang sa Pilar Village at nang sitahin, nakipagbarilan ito sa mga pulis. - Ulat ni Fred Cipres, dzMM