A post shared by Jericho Genaskey Aguas (@soulofjerichoaguas) on Nov 23, 2016 at 9:15pm PST

Dumating sa Doha, Qatar Martes ng madaling araw ang dating asawa ng aktres na si Isabel Granada na si Jericho Aguas.

Sinalubong siya sa airport nina Vice Consul Benjamin Celedio at Labor Attache David Des Dicang.

Mula airport, dumiretso siya sa ospital para makita agad si Isabel na unconscious pa rin sa Hamad General Hospital mula nang isugod siya roon nong nakaraang linggo matapos mag collapse dulot ng brain hemorrhage.

Nanatiling stable ang vital signs ni Isabel. Sa ngayon, hinihintay ni Jericho ang mga doktor ni Isabel para malaman ang tunay na kalagayan ng dating asawa. Nasa ospital rin ang nanay ni Isabel na si Mommy Guapa at ang anak nila ni Jericho na si Hubert.