Umugong ang mga tanong kung may relasyon nga ba sina Ellen Adarna at John Lloyd Cruz matapos lumabas sa social media ang mga retrato nilang magkasama.

Spotted na magkasama ang dalawa sa mga post ng kanilang mga kaibigan.

Marso nang mag-umpisa ang isyu kina Cruz at Adarna na magkasama sa programang "Home Sweetie Home".

Sa isang post ni Adarna, pabiro niya pang tinukoy ang sarili bilang si "Bashta" na hango sa karakter ni Bea Alonzo na si "Basha", ang kapares ng karakter ni John Lloyd sa hit movie na "One More Chance".

A post shared by Ellen Adarna (@maria.elena.adarna) on Oct 8, 2016 at 7:14am PDT

Pero ayon kay Adarna, magkaibigan lang sila sa ngayon ni John Lloyd.

"Di pa rin ready si kuya. Marami rin 'yong drama sa buhay. Parang ako rin!"

Umiwas naman sa tanong si Cruz at natatawa pang sinabing, "I wouldn't address the speculations"

Mas inaabangan daw niya ang susunod na yugto sa kaniyang career.

Natupad ang pangarap ni Bela

Samantala, mag-isa naman si Bela Padilla sa premiere ng "Fanboy, Fangirl" nina Yam Concepcion, Ella Cruz at Julian Trono. Hindi niya kasama ang iniuugnay ngayon sa kaniyang si Zanjoe Marudo.

Pagkatapos ng tagumpay ng "100 Tula Para Kay Stella", umaasa rin si Padilla na tatabo rin sa takilya ang pelikulang sinulat niya na "Last Night" na pagbibidahan nina Piolo Pascual at Toni Gonzaga.

"First love ko. Ito talaga ang passion ko. I was commissioned to write it. Puwede siyang peg, si Toni [Gonzaga] for a movie career," ani Bela.

Nagpapasalamat din si Bela na natupad ang pangarap niyang maging broadcast-journalist nang mag-guest bilang Star Patroller sa TV Patrol.

-- Ulat ni Mario Dumaual, ABS-CBN News