MANILA -- Dahil matagal nang 'di nakahalubilo ang kanilang fans, itinodo na nina Enrique Gil at Liza Soberano ang pakikipag-bonding sa LizQuen fans kahapon sa isang special meet-and-greet event.

Dito naikuwento ni Liza ang trending na dance number niya sa katatapos lang na "ASAP" show sa Canada.

Ikinuwento ni Liza na biglaan ang naging look niya sa dance number na pinag-uusapan sa social media.

• WATCH: Liza displays gym-honed physique in 'ASAP' number

"Sabi ng stylist doon na masyadong takip ang katawan ko. Nagulat ako ng bigla ginunting sa gitna. Sabi ko, ano gagawin ko? So habang sumasayaw sobrang suck in ako," ani Liza.

Babalikan na rin ni Liza ang regular workout sessions niya bilang paghahanda sa "Darna" movie.

"I haven't been able to work out for a while since galing kami ng Canada, tapos nag-Japan po, tapos nag-Hong Kong po, so I kinda have to get back at it again," ani Liza.

• TINGNAN: Liza, Enrique, nag-enjoy sa Japan

"At least kahit any situation na ilagay mo siya kayang-kaya niya yun," dagdag ni Enrique.

Nagbigay mensaha pa si Enrique na kalma lang ang LizQuen fans dahil malapit nang ipalabas ang kanilang mga proyekto.

"There's a lot of projects lined up for us. Super, super excited ako na finally ipapalabas na sa mga tao. Matagal na kasi sila nakaabang," ani Enrique.

Abala ngayon ang LizQuen sa "Bagani" serye na pinaka-challenging na papel para sa dalawa.