Todo paghahanda na ngayon ang social media star at TV personality na si Maine Mendoza para sa pelikula niya kasama sina Coco Martin at Vic Sotto -- ang “Jak Em Popoy, The Pulis Credibles” na entry sa 2018 Metro Manila Film Festival (MMFF).

A post shared by Push (@pushalerts) on Jul 28, 2018 at 3:45am PDT

“Kaka-start ko lang po ng firing lessons. Okay naman po, gusto ko din po kasi ma-try,” kuwento ni Maine sa naganap na story conference ng MMFF movie nitong Sabado.

Aniya, ito ang unang beses na sasabak siya action scenes.

“First time ko gumawa ng action movie or action project, so nag-start na ako ng firing lessons and nag wo-work out na din ako... sa panaginip. (Tawa) Hindi pa naman kailangan, pero magsisimula na ako,” aniya.

Ayon kay Maine, kailangan siya maghanda para sa maaksyon na stunts kung kinakailangan.

“Titignan natin kung kakayanin ng katawan, ng powers di ba? Pero sabi nga ni Bossing (Vic), ‘You have to be fit,’” pahayag pa niya.

Nagpasalamat din si Maine sa tiwala sa kanya ni Vic dahil sa pagpili sa kanya nito para mapasama sa MMFF movie.

A post shared by BIBOYjARBOLEDA_17 (@motherbibs_arboleda) on Jul 28, 2018 at 5:24am PDT

"Iniisip ko kung deserve ko ba makasama ang dalawang batikang aktor talaga,"sabi pa ni Maine.

Mapapanood ang “Jak Em Popoy The Pulis Credibles” ngayong December 25, sa direksyon ni Rodel Nacianceno.