A post shared by BIBOYjARBOLEDA_17 (@motherbibs_arboleda) on Jul 24, 2018 at 7:39am PDT

MANILA -- Kinagiliwan ng mga tagahanga ni Coco Martin ang video ng kanyang pakikipag-usap sa kapatid ni Yassi Pressman sa London.

Sa video na inilabas sa Instagram ng talent manager na si Biboy Arboleda, kitang napasabak sa Inglisan si Coco matapos itong sumagot sa mga tanong ng ate ni Yassi na si Cara.

Nasa tabi naman ni Coco si Yassi na kitang natutuwa rin sa usapan.

Matatandaang noong nakaraang taon lamang nakilala ni Yassi ang kanyang Ate Cara sa Florence, Italy.

Naganap ang kanilang pagtatagpo sa tulong na rin ng mga tagahanga niya sa Italy, ABS-CBN, Dreamscape at ng “FPJ’s Ang Probinsyano.”