Watch more in iWantv or TFC.tv

Kinumpirma ni Vic Sotto na makakasama nila ni Coco Martin si Maine Mendoza sa pelikula nilang isasabak sa Metro Manila Film Festival (MMFF) ngayong taon.

Sa panayam ng ABS-CBN News habang nasa concert ni Celine Dion noong nagdaang weekend, ikinuwento ni Sotto na pumayag si Mendoza dahil nagustuhan niya ang proyekto.

Watch more in iWantv or TFC.tv

"She felt it was a good project. Maganda iyong role niya and hindi lang basta challenging. It's her first time to do a role na ganito so 'di kami nagdalawang salita sa kaniya, pumayag agad siya," ani Sotto.

Pinamagatang "Popoy En Jack: The Puliscredibles," nais umano ng pelikula na ipakita ang "good side" ng mga pulis.

"Madalas nating mabalitaan iyong mga hindi magagandang balita tungkol sa mga pulis. Ito very positive, at the same time, entertaining, funny," ani Sotto.

Ayon pa kay Sotto, masusubukan ang galing ni Mendoza sa pag-arte, lalo at ito raw ang unang pelikula niyang hindi kasama ang katambal na si Alden Richards.

"This is her first time going solo without the love team and dito magkakasubukan ng galing sa pag-arte talaga," aniya.

Sa unang linggo ng Agosto nakatakdang gumiling ang kamera para sa "Popoy En Jack: The Puliscredibles."

• MMFF 2018 includes Vice Ganda entry, Coco Martin-Vic Sotto collab

-- Ulat ni Mario Dumaual, ABS-CBN News