Ipinagtanggol ng Broadway star at "The Voice Teens" coach na si Lea Salonga ang teen semi-finalist na si Isabela Vinzon mula sa mga kanyang mga bashers.

May ilan kasi na nagsasabi na kaya nakapasok lang si Isabela sa kompetisyon dahil sa impluwensiya ng kanyang ama na si Roi Vinzon, na isang action star at film director.

Ayon kay Lea, sumalang din si Isabela sa parehong proseso ng audition gaya ng pagpila kasama ang lahat ng mga auditionees sa 'The Voice Teens.'

Lala went through what all the teens went through, and if she didn't have what it takes, no one would've turned. We had no idea who she was. https://t.co/9mEuTXtUC1

— Lea Salonga (@MsLeaSalonga) July 17, 2017

Merong mga artista o anak ng artista na nag-audition para sa The Voice. Kung hindi magaling, walang iikot. Ganoon kasimple. #StopTheHate

— Lea Salonga (@MsLeaSalonga) July 17, 2017

My advice to our teens: start growing those thick skins. You're all going to need them. At sa mga haters, #AsinPaMore.

— Lea Salonga (@MsLeaSalonga) July 17, 2017

Dear @VoiceTeensLala, thought you might get a kick out of this! pic.twitter.com/tsMeejvU7a

— Lea Salonga (@MsLeaSalonga) July 18, 2017

Ang talento ni Isabela sa pagkanta ang nagbukas ng oportunidad sa kanya para makapasok sa kompetisyon.

Sa katunayan, marami rin daw ang nag-audition na anak ng mga artista pero hindi nakapasok. Nag-hashtag pa si Coach Lea na, "Stop the hate."

Si Vinzon ay miyembro ng team ni Coach Bamboo. Panoorin ang naging performance ni Isabela nitong weekend dito.