Mapayapa na ang buhay ni Cardo (Coco Martin) matapos siyang magretiro sa pagkapulis. Pero nang ma-kidnap ang kanyang anak na si Ricky Boy o Ricardo Dalisay, Jr., tila nag-beast mode ang bida ng "Ang Probinsyano."

Nangyari ang pag-kidnap habang namamasyal ang mag-ama sa isang carnival.

Matao at siksikan, kaya nang may mag-umpisang away, agad na rumisponde si Cardo upang awatin ang mag-asawang nagsasapakan.

Nalingat lang ng kaunti si Cardo, agad na tinangay ng mga kidnaper ang walang muwang na anak niya. Walang kamalay-malay si Cardo na naitakbo na ng mga kidnaper ang kanyang anak, at plano nilang ibenta sa isang mayamang pamilya.

"Sisingilin ko ng higit-higit pa ang mga taong gumawa sa 'yo nito," bulong ni Cardo.

Tutukan ang mga susunod na eksena sa "Ang Probinsyano," pagkatapos ng "TV Patrol."