Tulad ni Sheena Belarmino nitong Miyerkules, binigyan rin ng standing ovation ng mga hurado ng "Tawag ng Tanghalan Kids" si Keifer Sanchez ng Davao.

Isang perpektong performance ng "Music and Me" ni Michael Jackson ang ipinamalas ni Sanchez ngayong Huwebes sa "It's Showtime," ayon kay hurado Kyla.

"Sa performance mo nakita ko talaga na best friend mo ang music," ani ni Kyla. "Today, talagang napaligaya mo kami at natuwa ako. Sobrang uplifting at inspiring. Great job."

Nakakuha si Sanchez ng 91.67 percent, o ang pinakamataas na average score mula sa pinagsamang hurado at text votes sa mga sumabak na semifinalists ngayong araw.

Si Sanchez ay pasok na grand finals kasama nina Sheena Belarmino, Francis Concepcion, at Mackie Empuerto.

Ayon kay Sanchez, maliban sa nais niyang tulungan ang kanyang mga magulang, sumali siya ng "Tawag ng Tanghalan Kids" dahil gusto niyang makita ang sarili niyang kumakanta sa telebisyon.