Watch more in iWantv or TFC.tv

MANILA -- Hindi napigilan ni Vice Ganda na maging emosyonal matapos awitin ng "Tawag ng Tanghalan" grand finalist na si Janine Berdin ang "With A Smile" nitong Martes.

"Ewan ko, nata-touch mo talaga ang puso ko. Gandang-ganda lang ako sa mensahe ng kanta mo, na nanggaling sa iyo. Para kang maliit na kapatid ko. Naiiyak talaga ako," ani Vice Ganda.

"Para kang maliit na kapatid ko na sinasabi sa akin na 'Kuya Tutoy, okay lang.' 'Yung ganoon. Hindi ko kasi na-experience 'yan. Ako ang youngest sa pamilya," dagdag ni Vice na tuluyan nang nagbahagi tungkol sa kanyang pinagdaanan.

"Kasi noong nagpunta ako sa psychiatrist noong kalagitnaan noong panahong depressed ako, sabi sa akin ng psychiatrist, 'You are still that little wounded Tutoy inside, you need to be healed. Balikan mo. Kausapin mo 'yung batang Tutoy and sabihin mo na you are okay. Masyado kang natatakot.' Kasi growing up I felt like I was growing up alone and walang nagsasabi sa akin na 'Tutoy, okay lang. Okay ka lang magkamali.' Kasi feeling ko wala akong nanay, wala akong tatay," ani Vice.

Dagdag ng magaling na komedyante, ipinadama sa kanya ng inawit ni Berdin na sa kabila ng pagsubok ay maayos ang lahat.

"Parang ikaw 'yung kapatid ko na maliit na nakikita 'yung kuya niya na 'Kuya, okay lang, okay lang Tutoy na bakla ka.' Kasi ang hirap na lumalaki kang bakla ka at walang bumubulong sa iyo kung tama ba o hindi 'yung ginagawa mo. Naguguluhan ka. And once in a while masarap 'yung bumulong sa kapwa na you are okayand you will be okay. That's what you did to me today. Thank you so much and I love you," ani Vice

Maliban kay Vice Ganda, marami rin ang naantig sa naging performance ni Berdin.

Watch more in iWantv or TFC.tv