Ibinahagi ni Ellen Adarna sa isang Instagram post ang larawan ng tinawag niyang "babies."

A post shared by Ellen Adarna (@maria.elena.adarna) on Apr 28, 2018 at 1:44am PDT

Sa caption ng picture ng mga tuta, binanggit na ang pangalan nila ay Felicia Marie Cruz at John Ruffus Cruz, sunod sa apelyido ni John Lloyd Cruz na nobyo ni Adarna.

Mapapansin ding nasa pangalan ng mga tuta ang pangalang "John" at "Marie" na maaaring galing sa "Maria" na bahagi ng full name ni Adarna.

Samantala, sa IG stories naman ni Adarna kung saan binati niya ang kaibigang nail artist, mapapansin ang gitnang daliri ni Adarna na tila mayroong engagement ring at wedding band.

Tikom pa rin ang bibig nina Adarna at Cruz ukol sa isyung pagbubuntis ng aktres at ang umugong na balitang planong kasal ng dalawa.

Nito lang weekend, naging usap-usapan kung nanganak na nga ba si Adarna kasunod ng post ng isang kaibigang kino-congratulate siya sa pagiging ina o "motherhood."

• Has she given birth? Rumors fly after Ellen is congratulated on 'motherhood'

Kamakailan, lalong uminit ang isyu ng pagbubuntis ni Adarna dahil sa larawan ng kaniya umanong "baby bump."

• SPOTTED: Ellen Adarna sports baby bump in HK with John Lloyd Cruz
• Is that a baby bump? Ellen Adarna gives fans a glimpse of her tummy

Dati nang sinabi ni Adarna na target niyang magpakasal at magkaanak pagsapit ng edad 30.

Puwede rin naman daw sa kaniya kahit mauna siyang magkaroon ng anak.

"Gusto kong mag-asawa at magka-anak sa taong mahal ko. Pero parang hindi ko pa alam. Parang malabo pa. Pero for now, kasi hindi ko pa alam and 30 'yung target ko, anak muna na lang," sabi ni Adarna sa isang panayam noong Pebrero 2017.

"I don't want to get married. Maybe when I'm 40, gusto ko anak muna. And I talked to my parents about it already, and I just have to find a partner na may good genes," aniya noon.

• BALIKAN: Ellen Adarna wants a guy with 'good genes' to give her a baby

Nito lang Pebrero, nagpunta pa sa Japan ang magkasintahan kasama ang pamilya ni Adarna.

• Ellen Adarna jets to Japan with John Lloyd amid baby rumors

• LOOK: John Lloyd bonds with Ellen Adarna's family in Japan

Muli na ring aktibo ang Instagram account ni Adarna matapos niya itong i-deactivate kamakailan.

Pero sa posts ng kaniyang malalapit na kaibigan at kaanak, naka-tag ang sinasabing pribadong IG account ni Adarna na may handle na " @emg.a" at ang tila pribadong account din ni Cruz na "@_idancruz."