Sumali sa "Tawag ng Tanghalan Kids" si Danica Tiongson ng Tondo, ang batang nauna nang sumikat dahil sa kanyang viral video na nakikipag-away sa kanyang kapatid.

Ayon kay Tiongson, sumali siya sa "Tawag Kids" dahil sa kanyang hilig sa pagkanta. Gusto rin umano niyang kantahan ang kanyang ama.

Kinanta ni Tiongson ang "Basang Basa sa Ulan" ng Aegis. Nakakuha siya ng 83.4 percent na score.

Bagama't hindi siya nanalo, natuwa ang mga hurado kay Tiongson dahil sa ipinakita niya.

"Aliw na aliw ako performance mo at nakikita ko talaga na nag-eenjoy ka. Gustong-gusto mong nagpeperform na nasa entablado ka," ani Jed Madela.

Pinayuhan rin niya sio Tiongson na huwag pangunahan ng nerbyos lalo na kapag kumakanta sa harap ng maraming tao.