Hinarang ng Land Transportation Franchising and Regulatory Board (LTFRB) ang bagong serbisyo ng Uber na "Uber Moto" noong Biyernes.

Ang Uber Moto ay isang bagong serbisyo kung saan aangkas sa motor ang mga pasahero. Ilulunsad ito ng Uber sa Cebu sa Mayo 15

Nagulat ang LTFRB dahil wala umanong abiso sa kanila ang Uber at nakita lang nila ang anunsyo sa pahayagan.

Kinausap nila ang Uber at sinabing huwag ituloy ang Uber Moto pero nakita nila kaninang umaga na itinuloy ang pag-recruit ng mga motorcycle riders sa Cebu.

Tutol ang LTFRB sa serbisyong ito dahil delikado kaya ipinatigil din nila ang Grab Bike noong 2016.

Pati ang bagong serbisyo ng Uber na Uber XL (6 seater) ay hindi pinapayagan ng LTFRB dahil hindi umano sila kinonsulta tungkol rito.

Ayon naman sa Uber, nagbigay na sila ng paliwanag sa LTFRB.

"There has been a strong demand from our riders for larger vehicles so they have more room whenever they need to go places with their families or barkadas. Uber XL simply makes use of existing vehicles on UberX that can accommodate up to 6 passengers," ayon sa Uber sa isang pahayag.