'No gift policy' sa gobyerno, itinutulak ng CSC

ABS-CBN News

Posted at Dec 01 2016 10:12 AM

Watch also in iWantTFC

Hinihikayat ng Civil Service Commission (CSC) ang mga ahensya ng gobyerno na magpatupad ng "no gift policy" ngayong Christmas season.

Sa panayam ng DZMM Huwebes, sinabi ni CSC chairperson Alicia Dela Rosa-Bala na mas makabubuti ang pagpapatupad ng "no gift policy" para hindi malagay sa alanganin ang mga opisyal at tauhan ng gobyerno.

Bukod sa pagtanggap ng mga regalo, sinabi ni Bala na mas mahigpit na ipinagbabawal ang pagpapa-sponsor at pagsu-solicit para sa Christmas party sa mga naka-transaksyon ng mga ahensya ng gobyerno.

Samantala, sinabi rin ni Bala na ang Social Security System (SSS) pa rin ang may pinakamaraming reklamo na natatanggap ng "Dial 8888."

Kadalasan anyang inire-reklamo ang mabagal na transaksyon sa mga benepisyo at pensyon ng SSS.
 
DZMM TeleRadyo, 1 Disyembre 2016

Bisitahin ang Patrol.PH para sa iba pang mga balita.