Warehouse ng Ever Gotesco Mall-Commonwealth, nasunog

MAYNILA - Nasunog ang bahagi ng Ever Gotesco Mall sa Commonwealth, Quezon City nitong madaling araw ng Lunes.

Warehouse na bahagi ng mall ang natupok matapos sumiklab ang apoy pasado alas-2 ng madaling araw, ayon sa Bureau of Fire Protection. Idineklara itong under control alas-4:50 ng umaga.

Sapilitang binuksan ang ilang metal roll up door para mapasok ang warehouse. Hindi pa malinaw kung may tao sa loob nang sumiklab ang sunog.

Inaalam pa ang sanhi ng sunog.

Makapal ang usok na nagmula sa unang palapag ng Ever Gotesco mall. Hindi malinaw kung may tao sa loob nang sumiklab ang sunog. @ABSCBNNews pic.twitter.com/t7n4ykDOuU

— Jervis Manahan (@JervisManahan) August 8, 2021