Naka-wheelchair na dialysis patient, 6 kilometro tinutulak ng asawa papuntang pagamutan

MAYNILA - Mano-manong tinutulak ng kaniyang asawa ang dialysis patient na si Loida Fernandez sa isang hiniram na wheelchair mula Batasan Hills para sa kaniyang pagpapagamot sa Fairview.

Tatlong beses kada linggo nila itong ginagawa at may layo itong 6 kilometro mula sa kanilang bahay.

"Mula sa amin hanggang doon. Dun sa Batasan hanggang dun sa Fairview, sa dialysis center. Kailan pa to hiniram nga lang namin to," ani Fernandez ukol sa kanilang paglalakbay gamit ang hiniram na wheelchair.

Nilapit ng ABS-CBN News ang dalawa sa barangay officials na nangakong tutulungan nila ang mag-asawa.

Hinikayat ng mga awtoridad ang publiko na lumapit sa kanila upang matulungang ihatid sa kani-kanliang ospital sa Metro Manila.

--Ulat ni Lyza Aquino, ABS-CBN News