PatrolPH

'Ano gagawin namin diyan?': Mga OFW sa Ukraine ayaw umuwi sa Pilipinas dahil sa takot na magutom

ABS-CBN News

Posted at Mar 01 2022 10:40 PM

Watch more on iWantTFC

MAYNILA — Kahit naapektuhan na sila ng matinding bakbakan sa pagitan ng Ukraine at Russia, ayaw pa rin umuwi sa Pilipinas ng ilang mga OFW dahil sa takot na wala silang maipakain sa kanilang mga pamilya.

Ayon kay Regine, isang single mom na OFW sa Ukraine, baon pa rin siya sa utang dahil sa kaniyang paglalakbay para makapagtrabaho sa naturang bansa kaya hindi muna siya uuwi. 

Aniya, mayroon pa rin siyang trabaho sa Ukraine kung matatapos ang giyera pero kung uuwi siya sa Pilipinas, baka magutom lang siya at ang kaniyang pamilya.

Ayon naman sa kasama niyang OFW na si Noyle, may mga pangangailangan ang kaniyang pamilya sa Pilipinas at marami pa silang bayarin kaya hindi muna siya babalik sa bansa.

Ang OFW na si Joy Tolentino naman, wala siyang balak umuwi dahil pinoprotektahan siya ng amo niya habang binobomba ang Ukraine. 

Ayon sa tatlo, ligtas naman sila at nakikipag-usap sa mga pamilya nila. — SRO, TeleRadyo, Marso 1, 2022

Bisitahin ang Patrol.PH para sa iba pang mga balita.