600 sako ng basura nahakot sa creek sa QC

ABS-CBN News

Posted at Jan 13 2021 09:31 AM

Watch more on iWantTFC

Bagong taon na pero lumang problema pa rin ang kinakaharap tungkol sa basurang nakatengga sa mga creek sa lungsod ng Quezon.

Sa Balingasa Creek malapit sa Balintawak Market, nakahakot ang QC Riverways Clearing Operations Group ng 600 sako ng basurang kinabibilangan ng styro, plastic, sirang mga damit, pinagbalatan ng pagkain at iba pa.

Ayon kay Teresita Agustin, team leader ng grupo, dalawang linggo na silang araw-araw naglilinis sa naturang creek.

Pero kahit na araw-araw pa ang kanilang operasyon, tila hindi nauubog ang basura sa lugar.

Panawagan nila sa mga residete ng wag magtapon ng basura sa creek at kalsada dahil patuloy itong magdudulot ng problema lalo na kung tag-ulan.

Tantiya nila, isang buwan pa ang tatagal bago tuluyan nilang ma clear ang Balingasa Creek.

- TeleRadyo 13 Enero 2021