Kakaibang paraan ng pagkain ng isang pusa sa Navotas City ang nagbigay ng good vibes sa mga netizens sa social media.

Imbes kasi na payukong kumain ang pusang si Tui Tui, ginagamit nito ang kanyang paa at sinusubo ang kanin.

Kwento ni Bayan Patroller Mary Jean Maribao, mahilig sa kanin na may ulam ang pusa.

Alaga ito ng kanyang pamangkin pero dahil siya ay certified animal lover ay inaaalagaan din niya si Tui Tui.

Bukod sa kakaibang paraan sa pagkain, espesyal din si Tui Tui dahil sa kapansanan nito sa paa.

Nagpapasalamat si Mary Jean sa mga positibong komento at hiling niya na sana mahalin ang mga alagang hayop tulad ng sariling anak.