Sa ilalim ng tulay sa bahaging ng Barangay Sta. Cruz, Quezon city nakatira ang pamilya ng 52 taong gulang na si Joey Reyes at ang asawa niya na si Grace.

Sa ngayong tila may isang komunidad na sa ilalim ng tulay na tinitirhan ng may sampung pamilya.

May asawa at sariling mga anak na rin ang anim sa walong anak ni Reyes. Marami sa kanila, ilalim ng tulay din ang tinatawag na tahanan.

Kwento niya, maraming beses na silang binaha at kung gaano raw kalakas ang pagbayo ng bagyo, siya ring tindi ng pagkabog ng dibdib niya, tulad na lang nang pananalasa ni Ondoy noong 2009 "maliliit pa mga anak ko noon. Akala ko nga yun na ang katapusan ng mundo natin kasi halos wala na talaga akong makita diyan na mga bahay. Lubog na lahat yan."

Aminado ang padre de pamilya na wala siyang kakayahan kaya't magtitiis muna sa nararanasan pero nangangarap pa rin na makaranas ng magandang buhay. "Hanggang may buhay. Kasi wala naman akong kakayahan na… pero hindi rin nawawala sa isip ko yung mangarap ka sana umano rin yung buhay ko. Makaranas man lang ako ng yung nararansan ng mga magaganda ang buhay."