"Tulungan muna ang sarili bago tumulong sa iba." Ito ang naging payo ni Vice Ganda sa isang contestant ng Tawag ng Tanghalan nitong Miyerkoles, Setyembre 20, nang mapag-usapan ang pangarap ng makaahon mula sa hirap.

Napansin kasi ng "It's Showtime" host na sa araw-araw niyang pakikipag-usap sa contestants, madalas na naririnig niyang "para sa pamilya" ang pagkayod o pag-abot ng pangarap ng mga ito. Para kay Vice Ganda, walang mali kung para sa sarili ang hangaring magtagumpay.