Matapos ipagbili ang kanyang lumang sasakyan, bumili si Cardo (Coco Martin) ng isang second-hand jeepney na gagawin niyang pampasada para sa dagdag na pagkakakitaan.

Ngayong wala na siya sa serbisyo, kailangan niya munang maghigpit ng sinturon at magkaroon ng bagong hanapbuhay.

Pero mukhang na-excite si Cardo at ang kanyang buong pamilya nang makita ang jeepney. Kaya sa unang araw ng pagkakaroon ng jeepney, dinala agad ni Cardo ang buong pamilya sa isang road trip.

Habang binabaybay ang Kamaynilaan, inaliw ni Lola Flora (Susan Roces) ang mga bata sa pamamagitan ng iba't ibang trivia tungkol sa National Museum, Luneta, Quiapo Church, at iba pa.