FACT CHECK: Hindi si Jay Sonza ang nagtatag ng Aksyon Demokratiko

Bayan Mo, I-Patrol Mo

Posted at Feb 15 2022 02:53 PM

FACT CHECKED BY BAYAN MO, I-PATROL MO 

Hindi totoo ang sinabi ng dating broadcaster na si Jay Sonza na siya at ang pumanaw na DILG secretary Jesse Robredo ang nagtatag ng Aksyon Demokratiko noong 1992. 

Sinabi niya ito sa isang video interview noong Pebrero 8 na inilabas ng YouTube channel na Duterte News TV. 

Sa panayam ng ABS-CBN News kay Ernest Ramel Jr., kasalukuyang chairman ng Aksyon Demokratiko, ang partido ay itinayo noong 1997, hindi 1992. Si Sonza umano ay sumali sa partido noong 2003 at tumakbo pero natalo bilang senador noong 2004. 

FACT CHECK: Hindi si Jay Sonza ang nagtatag ng Aksyon Demokratiko

Ang Aksyon Demokratiko ay binuo ni dating senador Raul Roco. Tumakbo si Roco bilang presidente noong 1998 ngunit natalo. Pumanaw si Roco noong 2005 dahil sa sakit na kanser. 

Hindi rin naging kasapi ng Aksyon Demokratiko si Jesse Robredo, na miyembro ng Liberal Party. 

Ang video ni Sonza ay mayroon nang lagpas sa 128,000 views, 4,600 likes, at mahigit 330 comments limang araw matapos unang i-upload.

KAUGNAY NA ULAT

Watch more on iWantTFC