PatrolPH

PBA: Kelly Nabong pinagmulta ng P30,000 dahil sa flagrant foul

ABS-CBN News

Posted at Oct 30 2019 10:36 PM | Updated as of Oct 30 2019 11:02 PM

Pinatawan ng P30,000 fine si Kelly Nabong ng San Miguel Beer dahil sa pambabalya kay Chris Newsome ng Meralco sa kanilang laro sa 2019 PBA Governors' Cup nitong Linggo.

Binigyan ng mahigpit na warning ni PBA commissioner Willie Marcial si Nabong, na hindi na bago sa ganitong galawan.

Tinawagan ng flagrant foul penalty 1 si Nabong matapos niyang banggain si Newsome habang dumadrive sa basket. 

Sa lakas ng tama bumagsak nang alanganin si Newsome sa sahig.

Ani Marcial, di magdadalawang-isip ang liga na patawan ng suspension si Nabong kung muli siyang masasangkot sa katulad na insidente.

Kalaunan na-eject din sa laro si Nabong nang makipagsagutan siya kay Raymond Almazan ng Meralco.

Talo ang San Miguel 125-99 sa Meralco.

For more sports coverage, visit the ABS-CBN Sports website.

Bisitahin ang Patrol.PH para sa iba pang mga balita.