Ngayong retirado na si dating PBA MVP Erik Menk, marami na siyang oras para sumubok ng iba't ibang karanasan, partikular ang iba't-ibang bagay na konektado sa kulturang Pilipino.

Kamakailan lamang, kumain ang Fil-Am basketball player ng balut sa unang pagkakataon.

At sa isang video na kanyang in-upload sa YouTube nitong Martes, ipinakita niya ang kanyang unang experience sa pagsakay ng jeep.

"I fit in here. I have enough space," ani Menk, na may tangkad na 6-foot-6 at tila dalawang tao ang sakop nito sa kanyang pagkakaupo.

Nang inabot niya ang kanyang bayad, tinanggihan ito ng driver, na parang nakilala ang Barangay Ginebra player.

In-interview ni Menk ang ilang pasahero pati ang driver, at bakas sa mukha ni Menk na nag-e-enjoy siya sa kanyang biyahe.

"It's nice to get out there and meet the people who are so friendly," sabi ni Menk. "I'm glad I did it. Maybe I'll do it again."

For more sports coverage, visit the ABS-CBN Sports website.