Karaniwan sa mga Pinoy ang dumadayo sa ibang bansa at nagiging ‘dual citizen’, habang ang iba naman ay nagiging citizen ng bansa kung saan sila matagal na naninirahan.

Ang ‘agimat’ sa mundo ng Philippine football, si Coach Hans Smit, ang namumuno sa mga football teams ng De La Salle University, De La Salle Zobel, at nag-coach na rin sa mga national teams, ay isang banyagang matagal na nagpunyagi para maging Filipino.

Nanirahan na nang matagal sa Pilipinas si Coach Hans. Halos apat na dekada na siyang nagtuturo, at dito na rin sa bansa bumuo ng pamilya.

Pero pakiramdam nya, meron pa ring kulang.

Kuwento ni Coach Hans, tatlong beses niyang ipinaglaban sa korte ang pagkuha ng kanyang Filipino citizenship.

Ilang taon na rin ang nakalilipas nang una siyang sumubok, at halos nawalan na ng loob. Pero noong nakaraang taon, nagtagumpay siya sa wakas sa isang laban na nahirapan siyang ipanalo.

-- Ulat ni Migs Bustos, ABS-CBN News