CAAP Area 10

Hinangaan ng Civil Aviation Authority of the Philippines ang katapatan ng isa sa kanilang tauhan nag nagsauli ng nakitang bag na may lamang malaking halaga ng pera sa isang paliparan.

Habang naglilinis, nakita ni Joshua Bustamante, na isang airport facility cleaner, ang isang bag na naiwan sa push cart sa Laguindingan Airport sa Misamis Oriental noong Lunes ng umaga.

Agad nitong nagbigay-alam sa airport management para matunton ang may-ari ng bag.

Isa't kalahitang oras ang nakalipas, naibalik sa pasahero ang bag na may lamang P50,000 at iba pang personal na gamit.

Galing Maynila at papuntang Lanao ang pasahero na lubos na nagpapasalamat sa katapatan ni Bustamante.

Ayon kay Area Center 10 Manager Engr. Job De Jesus, sana ay magsilbing inspirasyon ang mabuting gawa ni Bustamante sa iba pang mga tauhan ng paliparan.

"His actions exemplify the highest standards of honesty and service we uphold. Mr. Bustamante’s dedication and values inspire all airport employees, reminding us of the goodness and integrity present in our busy environment. We laud him for his honesty and swift action,” ani De Jesus.