Miyembro ng Abu Sayyaf patay; 3 pulis sugatan sa engkwentro sa Tawi-Tawi

Patay ang isang miyembro ng Abu Sayyaf Group habang sugatan ang 3 pulis sa operasyon ng mga awtoridad sa Barangay Tandubas, Tawi-Tawi.

Batay sa imbestigasyon, magsisilbi ng warrant of arrrest para sa mga kasong frustrated murder ang pulisya nang manlaban si Udon Hasim alyas Utoh o Kah.

Nagpaputok na rin ang mga pulis na ikinasawi ni Hasim.

Sugatan ang 3 miyembro ng PNP SAF na ginagamot na sa ospital.

"Yes we have accomplishment nagawa ng IG kasama ng CIDG and SAF. Kaninang umaga meron silang nag-implement sila ng arrest warrant against this ASG member Udom Hasim. Alam mo itong tao na ito he has 21 WOAs, 17 for murder and 4 for frustrated murder. So highly valuable target but during that firefight which lasted for 30 minutes 3 po yung pulis natin ang tinamaan although hindi naman sila critical," sinabi ni PNP Chief PNP Chief General Rommel Francisco Marbil.

Nakuha kay Hasim ang matataas na kalibre ng mga baril.

Si Hasim ay kabilang sa grupo ni ASG sub leader Idang Susukan na responsable sa mga kidnapping activities, pag atake sa government forces at terroristic activities gaya ng mga ambush sa Sulu.

"In July 28, 2013 involved siya sa ambush which killed 23 civilians and wounding 14 others in Talipao, Sulu. Hindi lang siya member ng ASG, na-involve na rin siya sa drugs so last month April 2024 in Bongao, Tawi-tawi yung tao niya nainvolve sa illegal drugs namatay din," paliwanag ni Marbil.