Pauwi na sana mula sa computer shop ang isang teenager nang mapaslang ito sa pamamaril sa Cebu City. Benjie Talisic, xFm Cebu 

Iniimbestigahan ng pulisya ang pamamaril na ikinamatay ng isang 17-anyos na pauwi na sana mula sa paglalaro sa isang computer shop sa Barangay Sambag 1, Cebu City nitong Miyerkules.

Sakay ng e-bike ang biktima nang pagbabarilin siya sa ulo ng 3 hindi nakilalang suspek na nakamotorsiklo.  

Agad na tumakas ang mga suspek, habang nasugatan naman ang kasama ng biktima.

Personal na alitan ang tinitingnang motibo sa krimen.

Bago ang pamamaril, may nakaalitan umano ang biktima dahil sa masamang pagtitig.

Iniimbestigahan din ng pulisya kung may kinalaman sa droga at iba pang anggulo ang krimen.  

Nangangalap ng CCTV footage ang mga imbestigador para matunton ang mga gunman.