Sa gitna ng papalapit na bagyong Pepito, dumagsa ang ilang Taclobanon sa mga pamilihan upang maghanda.

Para sa marami, mahalagang aral ang iniwan ng mga nagdaang bagyo—dapat laging handa bago pa man tumama ang kalamidad.

Sa isang grocery store sa Tacloban City, makikita ang mahabang pila ng mga mamimili. Karamihan sa kanila, pangunahing bilihin tulad ng bigas, delata at tinapay ang laman ng kanilang mga basket.

Ayon sa ilang residente, hindi na nila nais pang maulit ang hirap na naranasan noong mga nakaraang bagyo tulad ng Yolanda.

Bagama’t patuloy ang babala ng PAGASA na maghanda, nananatili pa ring kalmado ang marami sa Tacloban dahil sa maagang hakbang na kanilang ginagawa. 

Para sa mga Taclobanon, mas mabuti na ang maagang paghahanda kaysa magsisi sa huli.