DUBAI – Ikinatuwa ng mga Pilipino sa Dubai ang nakatakdang pagpapakita ng mga kulay ng watawat ng Pilipinas sa Burj Khalifa, ang pinakamataas ng gusali sa buong mundo, bilang paggunita sa ika-121-taong paggunita sa Araw ng Kalayaan, Miyerkoles.

Ito ang kauna-unahang pagkakataon na magbibigay ng papugay sa bansang Pilipinas ang lungsod simula nang mabuksan ang gusali sa publiko noong Enero 2010.

“This monumental occasion manifests the collective pride and joy of the Filipino Community in the UAE and their appreciation to the multi-cultural community in the country for welcoming them in this diverse society,” ayon kay Philippine Consul General Paul Raymund Cortes ng Philippine Consulate in Dubai.

Tinatayang nasa mahigit 750,000 Filipino expats ang nasa United Arab Emirates sa kasalukuyan.

Isa si Noel Cabitac sa mga Pilipinong magaabang sa display of colors sa Burj Khalifa na masisilayan alas-9:40 ng gabi.

“Pinapahalagahan ng UAE government ang naging contribution natin dito sa pamamagitan ng pag-display ng Philippine flag sa pinakamataas na building sa buong mundo,” sabi ni Cabitac na may 26-taong nang naninirahan sa Dubai.

Para sa arkitektong si Jeff Garcia, pasasalamat sa bansa ang nadama niya dahil pagtanaw ito sa magandang serbisyo ng mga Pinoy sa UAE.

Ang Burj Khalifa ay ang may hawak ng world record bilang pinakamaataas na gusali sa mundo sa taas ba 828 meters. Mayroon itong 162-palapag. Ito rin ang mayroong pinakamalaking LED screen kung saan nagpapakita ng mga imahe tuwing may espesyal na okasyon tulad ng Bagong Taon o UAE National Day maging national day ng ilang bansa tulad ng India at pagkapanalo sa World Cup ng France noon 2018.