MAYNILA — Sa nakaraang tatlong taon ng administrasyon ni Pangulong Ferdinand Marcos Jr., nagsagawa ng ilang hakbang ang Department of Education (DepEd) na layong mapabuti ang kalagayan ng mga estudyante at mga guro.

Kabilang dito ang curriculum change o pagbabago ng curriculum ng mga estudyante, pagdagdag ng classrooms, pagtanggal ng administrative tasks sa mga guro, at pag permanente sa delivery modes gaya ng modular at online learning.

Bukod dito, may overload pay, dagdag na chalk allowance, at 30 uninterrupted days tuwing school break na ang mga guro. 

Naglunsad din ng National Learning Camps, Catch-up Fridays para sa learning recovery ng mga estudyante.

Ibinalik na rin sa dating June to March ang school calendar. Higit pa rito, inirekomenda ng DepEd na lawakan ang school based feeding program at i-retain ang reporma sa procurement. 

Sa kabila ng mga hakbang na ito, ramdam pa rin ang ilang agwat sa edukasyon gaya ng hindi sapat na bilang ng classrooms, pagbaba ng ratings ng Filipino students sa Programme for International Student Assessment (PISA), at kakulangan sa non-teaching positions. 

– Ulat ni Joyce Balancio, Patrol ng Pilipino

Education, Labor and Health: What has been done and what needs to be addressed

QC youth highlight education concerns at SOYA 

New DepEd chief Angara to focus on 'back to basics' curriculum, teachers' benefits

Mga pangako ni Marcos Jr. sa nakaraang SONA, alin ang natupad?