LEUVEN - Inihayag ni Department of Trade and Industry Secretary Alfredo Pascual sa kanyang meeting sa semiconductor industry leaders ng Belgium kamakailan ang hangarin ng Pilipinas na mapaunlad ang semiconductor industry ng bansa. 

Sa kanyang meeting sa mga opisiyal ng IMEC at SEMI Europe sa IMEC headquarters sa Leuven, Belgium, sumentro ang kanilang usapan sa posibilidad na mag-set up ng state-of-the-art semiconductor wafer production facility sa Pilipinas.

Brussels PE photo 

Ang SEMI ay ang nangungunang semiconductor industry association sa buong mundo, samantalang ang IMEC ay ang nangungunang leading independent nanoelectronics R&D hub sa buong mundo na nakabase sa Leuven, Belgium. 

Brussels PE photo 

Binigyan si Pascual ng tour sa ultra-modern clean room wafer research facility ng IMEC kung saan dito ginagawa ang mga advance 200 hanggang 300-mm semiconductor wafers.

 

Nakipagkita rin si Pascual sa mga Filipino researchers na nagtatrabaho sa IMEC. 

Hinimok niyang bumalik sila sa Pilipinas o ibahagi ang kanilang kaalaman sa pamamagitan ng online platforms para sa mga estudyanteng Pilipino na interesadong matuto ng chip design at research.

 

Para sa mga nagbabagang mga balita tungkol sa ating mga kababayan a Belgium, tumutok sa TFC News sa TV Patrol.